الفرق بين الشاب العماني والأوروبي

من طرف **KIBOKO** 15/01/09, 03:10 pm

ورحمه الله وبركاته
هذا موضوع وصلني عن طريق الايميل ..(مع بعض التغيرات )....شو رايكم ؟

الفرق بين الشاب العماني والأوروبي

أولا :
الطفل العماني من صغره يعني في عمر أربع سنين يلعب بالتراب ويتراجم
بالحصى ..
.بينما الطفل الأوروبي يلعب بالثلج ويسوي رجل الثلج واذا
بيلعب مع ربعه يرشهم بالماي..... ظرابه

ثانيا :
الطفل العماني اذا بدا يروح للمدرسة يصحى وهو يصيح ويصارخ وما يرضى
الا يعطونه بسكوت كل شوي .
.بينما الطفل الأوروبي أول يوم يروح للمدرسة
وهو يضحك ويغني ومبتسم ..ويرجع يعلم أهله وش سوى في المدرسة .

ثالثا:
الطفل العماني في سن عشر سنين يكره البنت ولا يطيق ايشوفها . .ودايما
يلعب كرة بالحاره ..واذا جت البنت يا حياتي تبي تشاركه صارخ في وجهها
(وخري هذي لعبة أولاد مو لعبة بنات روحي لعبي بعرايسك )
بينما الطفل الأوروبي في سن عشر سنين يحسب حساب البنت معه قبل أي شي
... ولا عمره يقول لها روحي العبي بعرايسك ..

رابعا :
في سن 16- 20 الشاب الاوروبي اذا اعجبته بنت يروح يعطيها وردة ولا
قطعة شوكولاته أو اسطوانة موسيقية يعني كرمز للأعجاب.... ...
مالت علينا..بينما الشاب العماني اذا فرضنا أنه أعجبته بنت...يعطيها ورقة
مشقوقة ..ما يندرى وش عقبه ..مكتوب عليها رقمة .....قمة الرومانسية

خامسا :
الشاب الأوروبي اذا حب بنت يقوم يعلم أهله وناسه أن فلانة حبيبته
ويصير ما يروح ولا يجي الا معاها .
.بينما الشاب العماني اذا حب واحدة يكتم الامر ليش مو علشان التقاليد
لا علشان يقدر يغازل غيرها ..واذا علم أحد يعلم ربعه...... يعني انه مطيح بنات

سادسا :
الشاب الأوروبي اذا ذبحته الرومانسية خذ حبيبته في قارب على النهر
وقام يجدف ويطالع فيها ..
بينما الشاب العماني اذا ازعجوه ربعه بأنه نصاب ولا يعرف بنات
يصير همه يركب حبيبته في سيارة ويمر بها من شارع
مظلم ويوقف عند بقاله كل ربعه هناك ...يعني شوفوني مركب بنت ...وعلى
فكرة بعضهم يركبون شغالاتهم ويلبسونوهم عبايات الشكوى لله المظاهر
خداعة.

سابعا:
الشاب الأوروبي يجيب لحبيبته هدايا يا ورد يا ساعة يا عطر أو لعبة
...ويفرح اذا شاف حبيبته تستخدمهم ..
بينما الشاب العماني ما يعطي البنت الا قطعة الورقة اللي قلنا عنها
من أول (الرقم ) وبعدين يصير ياخذ منها وهي على نياتها تحط له
كل يومين هدية في محل باسمه وهو يجي ياخذها .....طايحه بطنه

ثامنا:
الشاب الأوروبي لا سمح الله لو تزاعل هو صديقته ولا تفارقوا تلقاه
يحطم ويبكي ويقول أنا السبب انا اللي ماعرفت أصونها .... ..
بينما الشاب العماني ..اذا صديقته انخطبت ولا طنشته وهو أصلا
ماعنده نية يتزوجها يبدا يهدد ترى بأنشر رقمك ترى بأفضحك.....
استريح بس ..غير الازعاجات كل يوم وكل ليلة ..على موبايل يا الضعيفة.

تاسعا :
الشاب الأوروبي دايما يسئل حبيبته ..حبيبتي شنو رأيك أسوي جذي ولا
أشتغل جذي ولا أدرس جذي ......
بينما المحروس الشاب العماني ما يسئل البنت الا سؤالين ..تحبيني ولا لا .
..والسؤال الأبيخ ..صديقي يبي يتعرف على بنت ما عندك واحدة من
رفيجاتك أعرفها عليه ...تراه خوش واحد...... خير انشالله

وآخرا وليس أخيرا:
الشاب الأوروبي ينهي علاقته بالفتاة اللي يحبها بالزواج ويكونون أسرة
سعيدة ...
بينما الشاب العماني ..لا يمكن و مستحيل وسابع المعجزات
يتزوج بنت كان يعرفها الا يشطب على اسم عايلتها من البشرية ...... عن
الحلال والحرام الا من رحم ربي

هذي قد تعتبر اهم الفروق بين الشاب العماني والأوروبي
....شو رايكم يا شباب.. .....؟ صح الكلام .........؟ ها..؟
يللا اريد الحماس في الرد... ....